संग्राम दादा प्रेरणा प्रतिष्ठानच्या वतीने भिलवडी येथील ऐतिहासिक कृष्णा घाटावर मंगळवार, दि. १२ ऑगस्ट २०२५ रोजी भव्य होड्यांच्या स्पर्धांचे आयोजन करण्यात आले आहे, अशी माहिती प्रमुख संयोजक प्रतीक संग्राम पाटील यांनी दिली.
या स्पर्धेत प्रथम क्रमांक विजेत्याला १५,००० रुपये, द्वितीय क्रमांकाला १०,००० रुपये, तृतीय क्रमांकाला ७,००० रुपये आणि चतुर्थ क्रमांकाला ५,००० रुपये अशी रोख बक्षिसे तसेच भव्य आणि आकर्षक चषक देण्यात येणार आहेत. याशिवाय प्रत्येक सहभागी संघाला मानधन, स्मृतीचिन्ह आणि चांदीची भेटवस्तू प्रदान केली जाणार आहे.
स्पर्धेसाठी जय्यत तयारी सुरू असून, महिलांसाठी बैठकीची स्वतंत्र व्यवस्था केली जाणार आहे. या कार्यक्रमाला माजी मंत्री आ. डॉ. विश्वजीत कदम, खासदार विशाल पाटील, तसेच रयत शिक्षण संस्थेचे उपाध्यक्ष महेंद्र लाड प्रमुख पाहुणे म्हणून उपस्थित राहणार आहेत.
होड्यांच्या स्पर्धा दुपारी ४.०० वाजता सुरू होतील. भिलवडी व परिसरातील ग्रामस्थ, बंधू-भगिनींनी या सोहळ्याला उपस्थित राहून स्पर्धेचा आनंद लुटावा, असे आवाहन आयोजकांनी केले आहे.
Post a Comment
0 Comments